(Përditësuar më 2 prill 2025): Data 2 prill është dita botërore e autizmit, e cila është vendosur nga Asambleja e Përgjithshme e Kombeve të bashkuara, në vitin 2007, – si një përpjekje për ti dhëne fund diskriminimit ndaj personave me autizëm – ndërsa raste të personave me autizëm janë të shënuar edhe në Komunën e Pejës.
Vera Kolgjeraj, zyrtare përgjegjëse pranë Qendrës për Punë Sociale në Komunën e Pejës, duke folur për portalin ‘Peja në Fokus’, ka thënë se këta persona i takojnë kategorisë së me nevoja të veçanta dhe marrim mbështetje materiale nga shteti.
“Familjet që marrin përkrahje nga shteti, të cilat në kuadër të veten kanë persona me nevoja të veçanta janë të lajmëruar në Qendrën për Punë Sociale në Pejë. Ata që janë të regjistruar marrin edhe përkrahje financiare nga shteti, ku për dallim nga viti i kaluar (2024), kur kanë marrë shumën prej 100 eurove, tash marrin nga 120 euro”- ka thënë Kolegjeraj për ‘Peja në Fokus’.
Sipas Kolgjerajt, numëri i këtyre familjeve përfituese në Komunën e Pejës, për dallim nga viti i kaluar kur ishte 133, tash më 2025 ka shënuar rritje dhe shënon numërin prej 151 familjeve përfituese, ndërsa rreth 40 për qind e këtij numëri të familjeve që kanë fëmijë me nevoja të veçanta i përkasin personave autik në territorin e Komunës së Pejës, për dallim me më herët kur ishte rreth 30 për qind.
Ndërsa vlenë të theksohet se në Pejë funksionojnë disa organizata të cilat në kuadër të tyre trajtojnë edhe rastet e personave autik, sic janë:”Qendra për Jetë të Pavarur”, “Handikos”, “Duart plotë mëshirë”, si dhe organizata “Pema”.
Ndryshe, dita botërore e autizmit synon të rrisë ndërgjegjësimin, lidhur me çrregullimet e spekrit të autizmit dhe përmirësimin e jetës së atyre që jetojnë me autizëm – vlerësohet se 1% e popullatës globale është autike./Pejanefokus.net