Një rast tjetër i sulmit nga qent endacak në Pejë u shënua në mëngjesin e të hënës së 16 dhjetorit 2024, ku një nxënëse e klasës së nëntë është kafshuar nga qent endacak, në afërsi të rrugës “Bill Klinton” në Pejë, duke marrë plagë në këmbën e saj të djathtë, për çka edhe ka pranuar tremtan mjeksësor, në Qendrën Kryresore të Mjekësisë Familjare në Komunën e Pejës.
Rasti i sulmit të vajzës 14 vjeçare nga Peja është vetëm një nga dëshmitë që tregojnë se ky qytet dhe rajoni i saj po vazhdon të përballet me numrin e lartë të qenve endacakë që gjenden në zona të ndryshme të qytetit, duke përfshirë lokacionin afër shkollës së të verbërve, rrethi tek rrokaqielli, qendra e qytetit, afër ish-tregut të gjelbërt, afër objektit të urgjencës si dhe në shumë vende të tjera.
E po ashtu edhe sulmet e tyre ndaj qytetarëve nuk janë të pakta, sidomos ndaj nxënsve si dhe ndaj qytetarëve të tjerë, të cilët në mëngjes ia mësyejn vendeve të tyre të punës, gjë për të cilën vazhdueshëm është duke u raportuar nga Peja.
Nga ana tjetër, Komuna e Pejës ndonëse nuk ka paraparë strehimin e qenve endacak, në dhjetor të vitit 2023 kanë nisur ndërtimin e një ambulance veterinare për trajtimin e gastrimit e tyre – vlera e ndërtimit të së cilës, sipas drejtorit të Bujqësisë në këtë komunë, Tahir Shala, kap vlerën e prej 100 mijë eurove, si dhe se sipas tij ishte shpallur edhe tender për një periudhë trevjeçare për pastrimin dhe menaxhimin e qenve endacakë, me një buxhet prej 300 mijë eurove.
Vlenë të theksohet gjithashtu se gazetarëve të “Peja në Fokus”, në një takim publik me qytetarët e Pejës të mbajtur në shtator 2023, kryetari i Pejës, Gazmend Muhaxheri pati thënë se qendra për trajtimin e qenve endacak që ka nisur të ndërtohet në dhjetor 2023 do të kryhet në tetor të po të njejtit vit – por se deri në kto momente kur po shkruhet ky artikull nuk ka ndonjë informatë se çfarë po ndodhë me këtë projekt.
E me ndërtimin e herdo-kurdoshëm të kësaj ambulance dhe implementimin e tenderit për menaxhimin e qenve, nuk dihet nëse situata do të përmirësohet, pasi që siç ka bërë të ditur drejtori i Shërbimeve Publilke në këtë komunë, Agron Nikçi, qendra që po ndërtohet nuk do të jetë strehimore, por vetëm pike për trajtimin e këtyre qenve dhe kthimin e tyre në vendin ku janë marrë./Pejanefokus.net.