Të gjithë e njihnin si “Baca Ramë”, qytetarin 96 vjeçar, Ramiz Brada nga Peja, i cili mirrej me ndërtimin e samarëve të kuajve, por që shquhej si “Memoria e gjallë” për shumë zhvillime të kohërave të më hershme, madje edhe ato të viteve 1944.
Bacën Ramë, i cili përkundër moshës së shtyer, ishte fizikisht i qëndrueshëm e plot vullnet për jetë, mund ta takonim në vendpunishtën e tij në lagjen “Karagaçi”, rrugës për në parkun e madh të qytetit, nga ku rëfente me zell për shumë ngjarje që i kishte përjetuar ai dhe qytetarët në ato kohë, për shumë gazetarë që informacionin më pas e ndanin me publikun.
Mes tjerash, Baca Ramë ndjesë pastë, pati folur edhe për ngjarjen kur në Pejë patën hyrë brigadat “Partizane” më 17 nëntor 1944, e që në mesin e të rinjve mobilizuar si ushtar i detyruar ishte ishte edhe ai.
Nuk e ka takuar dikush e të mos ketë përfituar nga porositë e tij, të mbushura me këshilla për qëndrueshmëri e jetë të mirë.
Baca Ramë ndëroi jetë në korrik të vitit 2020, në moshën 96 vjeçare, duke lënë pas shumë kujtime të rrëfyera, si ngjarje të ndodhura në Pejë.
Por ai shquhej si “Memorja e gjallë e historisë pejane”./Pejanefokus.net