Lumbardhi i Pejës është një nga lumenjtë më të bukur dhe më të rëndësishëm të rajonit, që “gjarpëron” në rrjedhën e tij.
Ai buron nga Bjeshkët e Bekuara, në Grykën e Rugovës, duke përshkuar një peizazh spektakolar me kanione të thella dhe shkëmbinj madhështorë.
Rrjedha e tij freskon qytetin e Pejës dhe është një atraksion i veçantë për banorët dhe turistët, sidomos gjatë stinës së verës.
Përveç bukurive natyrore, Lumbardhi ka edhe një rëndësi të madhe ekologjike dhe kulturore për zonën.
Aty nganjëherë zhvillohen aktivitete sportive si rafting si dhe gati çdo herë ecje përgjatë grykës.
Në të kaluarën, uji i tij ka qenë burim i rëndësishëm për mullinjtë dhe për vaditje.
Sipas disa të dhënave, Lumbardhi i Pejës ka një gjatësi prej rreth 63 kilometrash.
Rruga e tij fillon nga burimi në Grykën e Rugovës dhe përfundon kur bashkohet me lumin Drini i Bardhë në afërsi të qytetit të Gjakovës.
Në pjesën e sipërme të tij, Lumbardhi krijon disa peizazhe të mrekullueshme, përfshirë ujëvara dhe kanione që janë atraksion për vizitorët dhe dashamirët e natyrës./Pejanefokus.net.