Komuna e Pejës, me vizionin “Peja e gjelbër dhe vitale”, ka hartuar një strategji për zhvillimin e turizmit në periudhën 2026-2030, e cila përmban 7 objektiva strategjike, si turizmi i aventurës, trashëgimia kulturore dhe turizmi shëndetësor.
Një prej elementeve kyçe është taksa e akomodimit, që do të implementohet përmes bizneseve akomoduese në Pejë.
Nasret Hajrizi, drejtor i Drejtorisë së Zhvillimit Ekonomik në Komunën e Pejës bëri të ditur për portalin Peja në Fokus se kjo taksë do të jetë deri në 2% për çdo turist i cili realizon një fjetje për një natë, do të kontribuojë në zhvillimin e mëtejshëm të sektorit të turizmit.
Ndryshe, strategjia do të kalojë fazën e dëgjimit publik dhe më pas do të paraqitet për miratim në Kuvendin Komunal./Pejanefokus.net.
Për të parë Strategjinë e Turizmit 2026-2030 në Komunën e Pejës – kliko këtu 
https://peja.rks-gov.net/wp-content/uploads/2025/03/Draft-Strategjia-per-Zhvillimin-e-Turizmit-Komuna-e-Pejes.-PDF.pdf