Kreu i Lëvizjes Vetëvendosje, Albin Kurti, është takuar të hënën me kreun e LDK-së, Lumir Abdixhiku, për të vazhduar diskutimet rreth gjetjes së një kandidati për president.
Pas takimit, Abdixhiku tha se LDK është e përkushtuar për të gjetur një rrugë dhe një kandidat që të shmangë zgjedhjet e reja.
Megjithatë, ai nuk dha detaje të hollësishme, duke theksuar se nuk është përmendur asnjë emër konkret, dhe përsëriti qëndrimin e LDK-së se presidenti i ardhshëm nuk duhet të vijë nga radhët e VV-së.
Ndërkohë, Kurti nuk e mohoi se janë diskutuar emra, por tha se pa një rezultat të sigurt nuk mund të bëjë publike detaje.
Diskutimet mes VV-së dhe LDK-së mund të çojnë në një marrëveshje eventuale për koalicion politik, pavarësisht se disa figura nga këto dy parti janë parë shpesh si anti-konformiste me njëra-tjetrën.
Fokusin e publikut e tërheq sidomos Gazmend Muhaxheri, kryetar i Pejës dhe ish-nënkryetar i LDK-së, i cili ka kritikuar në të kaluarën Kurtin me akuza të ndryshme politike.
Përveç këtyre, Kurti ka bërë të ditur se po përpiqet të takohet edhe me PDK-në, kryesuar nga Bedri Hamza, e cila ka vendosur si kusht që iniciativa për presidentin të paraqitet me shkrim./Pejanefokus.net.