Kompania ka bërë të ditur se është informuar për rastin dhe se ekipet e saj kanë dalë në terren, ku kanë hapur procesverbal dhe kanë konstatuar gjendjen në vendngjarje.

Kliko këtu për të lexuar lajmin paraprak rreth këtij rasti: https://pejanefokus.net/qytetarit-i-ngordh-lopa-ne-boge-pretendohet-per-goditje-nga-rryma/

Sipas KEDS-it, pas inspektimit janë ndërmarrë masa të menjëhershme duke shtrënguar përçuesit ekzistues, ndërsa është planifikuar edhe zëvendësimi i tyre me kabllo të reja 4×35 mm² Al, si dhe vendosja e një shtylle për përmirësimin e rrjetit në atë pjesë.

KEDS ka bërë të ditur se rasti është ende duke u trajtuar dhe se do të përpilojë një raport me të gjitha konstatimet.

“Nëse, pas shqyrtimit të rrethanave dhe gjetjeve, konsiderohet se kërkesa është e bazuar, do të fillojmë procedurat për takim me palën dhe shqyrtimin e mundësisë për kompensim të dëmit”, thuhet në përgjigjen e kompanisë.

Ndërkohë, lidhur me deklarimin e qytetarit Avni Kelmendi se më herët kishte kërkuar ndërhyrje për kabllot, KEDS ka sqaruar se nuk ka pasur kërkesë apo raportim paraprak nga konsumatori për atë pjesë të rrjetit elektrik.

Rasti do të vazhdojë të trajtohet nga KEDS, ndërsa epilogu përfundimtar pritet pas përfundimit të shqyrtimeve. /Pejanefokus.net/Ju flet Peja/

The post KEDS reagon për lopën e ngordhur në Bogë të Rugovës appeared first on pejanefokus.net.

Instituti i Kosovës për Drejtësi (IKD) po zhvillon aktivitetin për mbledhjen e nënshkrimeve në Sheshin “Skënderbeu”, në korzo, ku qytetarët po informohen për përmbajtjen e nismës.

Në mesin e atyre që e kanë mbështetur nismën me nënshkrim ishte edhe kryetari i Komunës së Pejës, Gazmend Muhaxheri.

Ndryshe, kjo nismë parasheh ndryshime në Kodin Penal përmes dy propozimeve kryesore: përcaktimin si vepër penale të moszbatimit të qëllimshëm të vendimeve të Gjykatës Kushtetuese dhe sanksionimin e përdorimit të parasë publike për përfitim elektoral gjatë periudhave zgjedhore dhe parazgjedhore./Pejanefokus.net/Ju flet Peja/

The post Qytetarët e Pejës mbështesin nismën për ndryshimin e Kodit Penal appeared first on pejanefokus.net.

Ky rezultat e vendos Pejën në mesin e komunave me nivel të ulët të transparencës buxhetore, ndërsa në rajonin e saj renditet e fundit pas Deçanit, Junikut dhe Istogut.

Kliko artikullin paraprak rreth të gjeturave në link: https://pejanefokus.net/peja-nder-komunat-me-transparence-te-ulet-buxhetore/

Raporti mat nivelin e publikimit të dokumenteve buxhetore, raporteve financiare, të dhënave për shpenzimet publike, subvencioneve dhe informacioneve tjera që lidhen me menaxhimin e parasë publike.

Pas publikimit të këtyre të dhënave, kanë reaguar partitë opozitare në Pejë, duke kritikuar nivelin e transparencës së Komunës.

Kryetari i Aleancës në Pejë, Naim Bytyqi, e ka cilësuar si “skandaloz” rezultatin e komunës në këtë raport.

“Instituti GAP ka publikuar raportin e tij vjetor ‘Indeksi i Transparencës Buxhetore Komunale 2025’, i cili vlerëson nivelin e transparencës buxhetore në 38 komunat e Kosovës. Komuna e Pejës renditet ndër komunat më pak transparente në Kosovë, duke arritur një nga rezultatet më të ulëta — 42 pikë”, ka shkruar Bytyqi.

Ai ka kritikuar renditjen e Pejës, duke e krahasuar me komunat me rezultate të ulëta në këtë indeks.

Ndërsa shefi i grupit të asamblistëve të Lëvizjes Vetëvendosje në Kuvendin Komunal të Pejës, Berat Ganiqi, e ka cilësuar raportin si “alarm” për pushtetin lokal.

Sipas tij, rezultati i fundit tregon rënie të transparencës krahasuar me vitet paraprake.

“Përderisa në çdo seancë na thuhet që Peja është kampione në raportet e publikuara, kjo rënie e Komunës së Pejës në Indeksin e Transparencës Buxhetore tregon të kundërtën dhe është një sinjal serioz që nuk mund të anashkalohet”, ka deklaruar Ganiqi.

Ai ka theksuar se, sipas tij, Peja nga 72.5 pikë në vitin 2022 ka rënë në 42 pikë në vitin 2025.

“Transparenca është detyrim ndaj qytetarëve. Qytetarët e Pejës meritojnë një komunë që e administron buxhetin me transparencë të plotë dhe që u jep mundësi të informohen për mënyrën se si shpenzohen paratë publike”, ka thënë ai.

Lidhur me raportin dhe vlerësimin e Institutit GAP, Peja në Fokus ka dërguar pyetje te drejtoresha e Drejtorisë së Financave në Komunën e Pejës, Diellza Berisha, përgjigja e së ciës u pranua vetëm pas publikimit të këtij artikulli.

“Ne kemi publikuar rregullisht raportet mujore të pranimeve dhe shpenzimeve. Gjithashtu, kemi publikuar dhe e kemi informuar çdo herë Kuvendin Komunal për raportet tremujore dhe vjetore financiare. Çdo qytetar ka pasur mundësi të shohë se si mblidhen dhe si shpenzohen paratë publike.”- thuhet mes tjerash në reagimin e saj.

The post (E përditësuar) Opozita: Transparenca buxhetore e Pejës, “skandal dhe alarm për pushtetin” appeared first on pejanefokus.net.

Në renditjen e përgjithshme, Peja ndodhet në vendin e 27-të nga 38 komuna, ndërsa rezultati i saj është dukshëm nën mesataren kombëtare prej 64.5 pikësh.

Sa i përket komunave të rajonit të Pejës, Deçani dhe Juniku kanë arritur rezultatin maksimal prej 100 pikësh, ndërsa Istogu ka grumbulluar 89.5 pikë. Në anën tjetër, Peja me 42 pikë renditet më poshtë se të gjitha komunat e tjera të rajonit.

Renditja e komunave të rajonit të Pejës është:

• Deçani – 100 pikë
• Juniku – 100 pikë
• Istogu – 89.5 pikë
• Peja – 42 pikë

Sipas klasifikimit të GAP-it, rezultati prej 42 pikësh e vendos Pejën në kategorinë e komunave me transparencë të ulët buxhetore.

Në nivel vendi, 10 komuna kanë arritur rezultatin maksimal prej 100 pikësh, ndërsa gjashtë komuna nuk kanë grumbulluar asnjë pikë. Mesatarja kombëtare këtë vit ka qenë 64.5 pikë, krahasuar me 61 pikë në vitin 2024.

Indeksi vlerëson publikimin e dokumenteve buxhetore, raporteve financiare, dokumenteve për planifikimin e buxhetit, rregulloreve për ndarjen e subvencioneve dhe elementeve të tjera që lidhen me transparencën dhe qasjen e qytetarëve në informacionet buxhetore.

Pra, sipas këtij raporti, Peja jo vetëm që mbetet nën mesataren e Kosovës, por renditet edhe e fundit në mesin e katër komunave të rajonit të saj. /Pejanefokus.net./Ju flet Peja/

Kliko burimin e informacionit në link: https://www.institutigap.org/lajme/3652?fbclid=IwY2xjawTesahleHRuA2FlbQIxMQBzcnRjBmFwcF9pZBAyMjIwMzkxNzg4MjAwODkyAAEeLEcWhiLpJkmmUpEXEYm793J54UCU2l_gj-C3H9HHJkcAk432YIDLEOTsUJI_aem_561oggLv8UE3AfHnu8p4XA

The post Peja ndër komunat me transparencë të ulët buxhetore appeared first on pejanefokus.net.

Gjatë periudhës 2025-2026, kjo gjykatë ka shpallur pesë aktgjykime dënuese për veprën penale “Rrezikimi i trafikut publik” për raste që kanë përfunduar me fatalitet, me një total prej mbi 24 vjetësh burgim të shqiptuar.

Sipas të dhënave zyrtare të siguruara nga Klankosova.tv përmes kërkesës për qasje në dokumente publike në GjTh të Pejës, nga këto pesë procese gjyqësore janë dënuar gjithsej gjashtë persona.

Dënimi më i rëndë i shqiptuar nga Gjykata Themelore në Pejë gjatë kësaj periudhe ishte ai i datës 29 prill 2025. Në rastin e regjistruar me numër P.nr.1069/23, trupi gjykues vendosi për një dënim prej 6 vitesh burgim, i cili njëkohësisht shënon edhe masën më të lartë ndëshkuese të marrë për aksidentet me pasojë vdekjen gjatë kësaj periudhe.

Ndërkaq, një tjetër vendim me peshë të madhe juridike u mor më 4 nëntor 2025 në rastin PKR.nr.22/25, ku ndryshe nga rastet e tjera, u dënuan dy persona. Për të pandehurin e parë, gjykata shqiptoi një dënim unik prej 5 vitesh e 6 muajsh burgim, ndërsa i pandehuri i dytë u dënua me 10 muaj burgim. Po me të njëjtën masë prej 5 vitesh e 6 muajsh burgim u dënua edhe i pandehuri në rastin P.nr.851/25, për të cilin aktgjykimi u shpall më 12 shtator 2025.

Pjesa tjetër e rasteve të gjykuara mori dënime prej dy deri në katër vjet. Më konkretisht, më 1 korrik 2025, në kuadër të lëndës P.nr.626/25, gjykata shqiptoi një dënim prej 4 vitesh burgim. Ndërsa vendimi i fundit i kësaj serie u mor më 3 dhjetor 2025 për rastin P.nr.1170/25, ku personi i përfshirë u dënua me 2 vjet e 6 muaj burgim.

Këto statistika janë bërë publike nga Gjykata Themelore në Pejë pas kërkesës zyrtare të ekipit të Klan Kosovës për të analizuar bilancin e drejtësisë lidhur me aksidentet me pasojë vdekjen gjatë dy viteve të fundit. /Klankosova.tv/Pejanefokus.net/

The post Aksidentet me fatalitet në Pejë – mbi 24 vjet burg për 6 persona appeared first on pejanefokus.net.

Mbrëmjen e së dielës, (26 korrik 2026) në rrugën “Zahir Pajaziti” në Pejë, dy motoçikleta u përfshinë në një aksident, ku dy persona pësuan lëndime dhe u dërguan për trajtim në Spitalin Rajonal në Pejë.

Të hënën, (27 korrik 2026)  një motoçiklist humbi jetën pasi u përplas me një kamion në fshatin Veriq të Istogut. Vdekja e tij u konstatua në vendin e ngjarjes.

Ndërkaq, të martën (28 korrik 2026) u regjistruan edhe dy aksidente të tjera.

Njëri ndodhi në Istog, për të cilin ende nuk janë bërë publike detaje zyrtare, ndërsa tjetri në fshatin Novosellë të Pejës, ku pas përplasjes mes një veture dhe një motoçiklete, motoçiklisti pësoi lëndime trupore dhe u dërgua në spital për trajtim.

Seria e aksidenteve me motoçikleta brenda pak ditësh rikthen në vëmendje nevojën për kujdes të shtuar në trafik, veçanërisht gjatë sezonit veror kur numri i motoçiklistëve në rrugë është më i madh. /Pejanefokus.net/Ju flet Peja/

The post Rajoni i Pejës: 1 i vdekur, 4 aksidente me motoçikleta në tri ditë appeared first on pejanefokus.net.

Në kuvend u miratua Statuti i Shoqatës Sindikale, ndërsa u vendos që nga 1 janari 2027 të fillojë pagesa e anëtarësisë sindikale në vlerë prej 2 eurosh në muaj për secilin anëtar.

Pas konstituimit të Kryesisë, Redžo Kojić u zgjodh kryetar i Sindikatës. Nënkryetarë u zgjodhën Sofije Seferi dhe Fazli Rexhaj, ndërsa Egzon Vokshi do të jetë përgjegjës për financat.

Sipas njoftimit, sindikata do të angazhohet për mbrojtjen e të drejtave dhe interesave të punëtorëve, si dhe për forcimin e dialogut social dhe përmirësimin e kushteve të punës. /Pejanefokus.net/Ju flet Peja/

The post Punëtorët e “Hidrodrinit” me sindikatë të re appeared first on pejanefokus.net.

Takimi, i planifikuar të niste në ora 10:00, filloi rreth 45 minuta me vonesë për shkak të vonesës së pjesëmarrësve.

Edhe pse kishte konfirmuar pjesëmarrjen, kryetari i Komunës së Pejës, Gazmend Muhaxheri, nuk mori pjesë në tryezë, e po ashtu, të pranishëm nuk ishin as drejtori i Inspektoratit, Albi Shala, dhe drejtori i Emergjencave, Luan Voci.

Një nga temat kryesore ishte zjarri që përfshiu deponinë më 14 korrik.

I pyetur nëse zjarri ishte i qëllimshëm, komandanti i Policisë në Pejë, Faik Jahmurataj, tha se Policia ende nuk ka një konfirmim zyrtar, pasi rasti vazhdon të hetohet.

Kjo deklaratë vjen pasi më herët nga KRM “Ambienti” ishte deklaruar se zjarri dyshohej të ishte shkaktuar nga persona të papërgjegjshëm.

Në tryezë u prezantua edhe projekti për deponinë e re të mbeturinave, e cila pritet të ndërtohet pranë deponisë ekzistuese në Sferkë.

Sipas kryeshefit ekzekutiv të Kompanisë për Menaxhimin e Deponive në Kosovë (KMDK), Dardan Velija, procedurat e prokurimit pritet të përfundojnë deri në fund të vitit 2026, punimet të nisin në gjysmën e parë të vitit 2027 dhe të zgjasin 18 muaj.

Projekti parashihet të kushtojë 14 milionë euro, ku 9 milionë euro do të financohen nga Bashkimi Evropian, 2 milionë euro nga KMDK-ja dhe 3 milion euro nga Komuna e Pejës.

Tryeza u fokusua në përgjegjësitë institucionale, ndikimin e deponisë në mjedis dhe shëndetin e qytetarëve, si dhe hapat e nevojshëm për një zgjidhje të qëndrueshme të menaxhimit të mbeturinave në rajon. /Pejanefokus.net/Ju flet Peja/ 

Kliko për ngjarjen në link: https://www.facebook.com/share/p/1cXXA8r5zR/

The post Deponia e Sferkës në Pejë – në fokus të institucioneve appeared first on pejanefokus.net.

Sipas rrëfimit të tij, në këtë betejë forcat e UÇK-së u përballën me forca speciale serbe, duke arritur t’i ndalin dhe t’i detyrojnë ato të tërhiqen.

Jasiq dhe Gjocaj janë fshatra malorë që shtrihen në pjesën perëndimore të Junikut.

Komandantët Agim Ramadani e Rrustem Berisha në këto dy fshatra takuan djem që ishin të gatshëm për luftë, por atyre ju ishin bashkuar edhe disa bashkëluftëtarë nga Peja, Shkupi e Tropoja.

Ushtria Çlirimtare e Kosovës kishte për qëllim mbrojtjen dhe vënien nën kontroll të Junikut, nga forcat militare e paramilitare serbe që kishin mësyer malet e Gjocajve për të marshuar drejt civilve Junikas, për të kryer gjenocid e masakër ndaj grave e fëmijëve të paarmatosur.

Një nga ngjarjet më të rëndësishme të kësaj periudhe ishte edhe Beteja e Zharrës që ka ndodhur me datë 28/07/1998, ku forcat speciale të SAITIT të Nishit hyn në Zharrë të fshatit Gjocaj me njësit e tyre, me një numër rreth 250-300 ushtarë dhe paramilitarë serb!

Në këtë vend “Zharrë” përball tyre shfaqen djemtë më të dalluar të UÇK-së, të cilët edhe pse jo të barabart me armatim dhe municion arrijnë jo vetëm ti ndalin por edhe t’i mposhtin duke i detyruar të tërhiqen në drejtim të ardhjes së tyre nga Karaolli i Koshares duke bartë me vete edhe kufomat e tyre!

“Në këtë Betejë nga ne u ndanë e rane dëshmor: Avdyl Jasiqi, Shkelzen Gacaferi,, Arif Gjoci.
Po në këtë Betejë u plagosën edhe:
Sabri Alimi Qerim Gjocaj e Arif Maloku
Beteja e Zharrës ishte fillimi i Betejës së Koshares”- thotë mes tjerash Rexhepi.

Në fotografi mësohet se janë Komandant Agim Ramadani, Gjeneral Rrustem Berisha dhe bashkëluftëtarë tjerë të Kosharës.

Ndryshe, Beteja e Zharrës konsiderohet si një nga përballjet që i parapriu Betejës së Koshares. /Pejanefokus.net/Ju flet Peja/

The post 28 vite nga Beteja e njohur e Junikut perball forcave serbe   appeared first on pejanefokus.net.

Sipas të dhënave të prezantuara për Peja në Fokus nga Dr. Adnora Nurboja, drejtoreshë e Institutit Kombëtar të Shëndetit Publik (IKSHP) në rajonin e Pejës, 82% e rasteve janë meshkuj, ndërsa 18% femra.

Sipas rajoneve, numrin më të madh të rasteve e ka Prishtina me rreth 80, e pasuar nga Prizreni me rreth 35 dhe rajoni i Pejës me rreth 25 raste të regjistruara.

Vetëm gjatë periudhës janar–qershor 2026 janë raportuar tri raste të reja në rajonin e Pejës, prej të cilave dy në komunën e Pejës dhe një në komunën e Istogut.

Grupmosha më e prekur mbetet ajo 25–34 vjeç, e cila përbën rreth 35% të të gjitha rasteve. /Pejanefokus.net/Ju flet Peja/

The post 25 raste me HIV/AIDS në rajonin e Pejës që nga viti 1986 appeared first on pejanefokus.net.