Në total, 23 subjekte politike kanë dorëzuar lista, prej të cilave 18 parti, 3 koalicione, 1 iniciativë qytetare dhe 1 kandidat i pavarur, me gjithsej 917 kandidatë (603 burra dhe 314 gra).

Ndërkohë, katër parti që kishin paralajmëruar pjesëmarrje nuk kanë dorëzuar lista brenda afatit./Pejanefokus.net/N’Fokus+/

The post Mbi 20 subjekte politike dorëzojnë lista për zgjedhje me mbi 900 kandidatë appeared first on pejanefokus.net.

Çdo mëngjes sjell një fillim të ri. Mos prit që motivimi të vijë vetë — krijoje atë përmes disiplinës, përkushtimit dhe vendimeve që merr për veten tënde.

Vendose një qëllim, qoftë edhe të vogël, dhe puno për ta realizuar. Janë pikërisht hapat e vegjël të përditshëm që ndërtojnë suksesin e madh.

Jeta nuk ndryshon brenda një nate, por ndryshon kur nuk ndalesh së ecuri përpara, edhe në ditët më të vështira.

Mënyra si e nis ditën shpesh e përcakton ritmin e gjithë javës. Prandaj nise me energji, mendim pozitiv dhe besim në vete.

Në fund, beteja më e madhe fitohet kur arrin ta mposhtësh versionin e djeshëm të vetes. /Pejanefokus.net /N’Fokus+/

The post Mënyra si e nis ditën, ta përcakton javën appeared first on pejanefokus.net.

Ministria e Mjedisit dhe Planifikimit Hapësinor pati rikujtuar vite më parë (2023) se personat që djegin goma automjetesh apo mbeturina të tjera prej gome në hapësira private, publike, në rrugë apo në natyrë, mund të dënohen me 100 euro gjobë.

Sipas njoftimit, ndalohet gjithashtu edhe djegia e mbeturinave prej letre në ambiente publike dhe në natyrë.

“Me 100 euro gjobë dënohet personi që djegë goma të automjeteve, ose mbeturina tjera prej gome, në hapësirat private, publike, në rrugë, ose natyrë. Djegë mbeturina të ndryshme prej letre në hapësirat publike, në rrugë, ose natyrë”, thuhej në njoftimin e ministrisë së Mjedisit.

“Kallja” e gomave ka qenë dikur një ritual i zakonshëm gjatë 1 Majit në disa vende, si shenjë pakënaqësie sociale dhe proteste të punëtorëve, por autoritetet tashmë e konsiderojnë atë shkelje që ndot mjedisin dhe rrezikon sigurinë publike. /Pejanefokus.net/N’Fokus+

The post “Kallja” e gomave dënohet me 100 euro gjobë appeared first on pejanefokus.net.

Sipas tij, Ushtruesja e Detyrës së Presidentit ka afat 10 ditë për të caktuar datën e zgjedhjeve, ndërsa zgjedhjet e parakohshme duhet të mbahen brenda 30 deri në 45 ditë nga shpërndarja e Kuvendit.

Cakolli thekson se gjatë kësaj periudhe, Qeveria nuk mund të propozojë projektligje të reja, strategji apo marrëveshje që kërkojnë miratim parlamentar.

Po ashtu, sipas tij, të gjitha projektligjet në procedurë në Kuvend rikthehen në pikën zero, ndërsa raportet e institucioneve të pavarura mbesin pa shqyrtim deri në konstituimin e legjislaturës së re.

“Pra, deri në krijimin e institucioneve të reja, shteti do të jetë në një pauzë institucionale”, ka shkruar Cakolli./Pejanefokus.net/N’Fokus+/

The post Cakolli: Kuvendi i shpërndarë, Qeveria në dorëheqje dhe shteti në “pauzë” appeared first on pejanefokus.net.

Shkruan: Valdrin Daci – Gazetar.

Në Pejë, sikurse në shumë komuna të Kosovës, një pjesë e madhe e debatit politik lokal po zhvillohet gjithnjë e më shumë përmes statuseve në Facebook. Reagime, akuza, pretendime apo kritika ndaj institucioneve komunale shpesh publikohen vetëm në rrjete sociale, duke krijuar më pas pritjen që ato të shndërrohen automatikisht në tema të debatit publik.

Por shtrohet pyetja: a mjafton një status në Facebook për ta ngritur seriozisht një çështje me interes për qytetin?

Rrjetet sociale sot janë mjet i fuqishëm komunikimi dhe padyshim kanë ndihmuar që zëri i opozitës, qytetarëve dhe vetë institucioneve të dëgjohet më shpejt.

Megjithatë, debati publik në një qytet nuk mund të mbështetet vetëm mbi postime të shpërndara në internet.

Sidomos në nivel lokal, ku shumë tema kanë ndikim të drejtpërdrejtë në jetën e qytetarëve — nga urbanizmi, infrastruktura, buxheti, investimet, arsimi apo shëndetësia — komunikimi duhet të jetë më i organizuar dhe më serioz.

Nëse opozita lokale në Pejë konsideron se një çështje është e rëndësishme për qytetarët, atëherë konferencat për media, deklarimet publike, debatet qytetare apo prezantimi i dokumenteve do t’i jepnin më shumë peshë diskutimit.

Kjo jo vetëm që do ta ndihmonte informimin e publikut, por edhe do t’u krijonte mediave mundësi më të mira për të raportuar dhe për të bërë pyetje konkrete.

Mungesa e aktiviteteve konkrete dhe e një opozitarizmi më aktiv në terren ndikon drejtpërdrejt edhe në jetën publike të qytetit. Kur debatet mbesin vetëm në rrjete sociale, zvogëlohet presioni publik ndaj institucioneve dhe rritet mundësia për keqpërdorime, mungesë transparence dhe vendimmarrje pa mbikëqyrje të mjaftueshme.

Po ashtu, mungesa e debatit të organizuar dhe e reagimit publik ndikon edhe në stagnimin e zhvillimit të qytetit dhe komunës.

Një opozitë aktive nuk ka rol vetëm kritikues, por edhe rol shtytës për projekte më të mira, politika më efikase dhe përgjegjësi më të madhe institucionale.

Në të kundërtën, shumë reagime rrezikojnë të mbesin vetëm brenda ritmit të zakonshëm të rrjeteve sociale: publikohen, komentohen për disa orë dhe më pas humbin në rrjedhën e pafundme të postimeve të ditës.

Kjo natyrisht nuk është përgjegjësi vetëm e opozitës. Edhe institucionet lokale në Pejë shpesh kanë zgjedhur komunikimin promocional në rrjete sociale më shumë sesa transparencën e drejtpërdrejtë dhe përballjen me pyetjet e mediave.

Megjithatë, opozita ka një rol të rëndësishëm në jetën demokratike të qytetit: të mbikëqyrë pushtetin, të nxisë debat publik dhe të sjellë alternativa konkrete.

Për këtë, ndoshta ka ardhur koha që debati politik lokal të dalë pak më shumë nga statuset dhe të kthehet më afër qytetarëve.

Sepse Peja ka nevojë jo vetëm për reagime të shpejta online, por për diskutim publik më serioz, më të argumentuar dhe më transparent./Pejanefokus/N’Fokus+

The post A po mjafton vetëm Facebook-u për debatin publik në Pejë? appeared first on pejanefokus.net.

Të lidhur ngushtë me teknologjinë

Ndryshe nga gjeneratat e mëparshme, Gen Z është mësuar me informacion të menjëhershëm dhe komunikim të shpejtë. Platforma si TikTok, Instagram dhe YouTube kanë ndikuar drejtpërdrejt në mënyrën si ata informohen, argëtohen dhe shprehen.

Përparësitë që i dallojnë

Kjo gjeneratë shquhet për aftësi të avancuara digjitale dhe kreativitet në përmbajtje online. Ata përshtaten shpejt me ndryshimet dhe kanë qasje më të hapur ndaj çështjeve sociale si barazia, ndryshimet klimatike dhe shëndeti mendor.

Gjithashtu, Gen Z vlerëson më shumë balancën mes jetës personale dhe punës, duke kërkuar fleksibilitet dhe kushte më të mira në vendin e punës.

Sfidat dhe perceptimet

Megjithëse shpesh perceptohet si një gjeneratë që “nuk ka dëshirë për punë”, realiteti është më kompleks. Shumë të rinj të Gen Z janë aktivë në punë, studime dhe iniciativa personale, por nuk pranojnë më lehtë kushte të vështira apo stres të tepruar.

Në të njëjtën kohë, ata përballen me presion nga rrjetet sociale, krahasim të vazhdueshëm dhe pasiguri për të ardhmen, çka ndikon edhe në shëndetin mendor.

Një qasje ndryshe ndaj jetës

Ekspertët vlerësojnë se Gen Z nuk është gjeneratë dembele, por një gjeneratë që e sheh punën dhe jetën ndryshe. Ata kërkojnë kuptim në atë që bëjnë, më shumë liri dhe një jetë më të balancuar në një botë që po ndryshon me ritme të shpejta.

Përfundim

Gen Z po sjell një frymë të re në shoqëri, duke sfiduar normat tradicionale dhe duke vendosur standarde të reja për punën, komunikimin dhe jetën e përditshme./Pejanefokus.net/N’Fokus+

The post “Gen Z” po trazon tregun e punës: Çfarë po ndodh me të rinjtë? appeared first on pejanefokus.net.

I lindur më 25 qershor 1936, Qosja ishte profesor, studiues dhe autor i dhjetëra veprave në letërsi, kritikë dhe publicistikë. Ai ka qenë drejtues i Institutit Albanologjik të Prishtinës, si dhe pjesë e jetës politike, përfshirë delegacionin e Kosovës në Konferenca e Rambujesë.

Ndër veprat më të njohura të tij janë Vdekja më vjen prej syve të tillë dhe Populli i ndaluar, të cilat janë përkthyer në disa gjuhë.

Tri detaje që e bëjnë të veçantë ndarjen e tij nga jeta:

– Vdiq më 23 prill, në Dita Botërore e Librit;

– U varros pa ceremoni publike dhe pa praninë e politikanëve;

– Lajmi për vdekjen u bë publik vetëm pasi u varros.

Në amanetin e tij, Rexhep Qosja kishte kërkuar që varrimi të bëhej pa rite fetare dhe në qetësi të plotë, duke lënë edhe mesazhin se dëshironte të “vdiste i qetë”. /N’Fokus+/Pejanefokus.net.

The post Tre detaje të veçanta nga vdekja e “Shqiptarit të mirë” appeared first on pejanefokus.net.

Në këtë mes, edhe Uji si burim që vie nga toka, është poaq i rëndësishëm dhe ka rol jetik, andaj meriton trajtim.

Që nga viti 1970, -22 Prilli konsiderohet si dita e apelit ndaj problemeve që lidhen me degradimin e tokës, braktisjen dhe keqpërdorimin e saj, ndotjen nga industritë kimike dhe erozionin e shkaktuar nga shpyllëzimet masive.

Me këtë rast, komunikatë të veçantë ka lëshuar Zyra për Media e Kompanisë Rajonale të Ujësjellësit “Hidrodrini”.

“Andaj, mesazhi dhe urimi i sotëm me rastin e kësaj date, nga KRU ‘Hidordrini’ në Pejë, vie bashkë me apelin për të rritur ndërgjegjësimin e njerëzve rreth mbrojtjes së mjedisit si dhe për të demonstruar masat e mbrojtjes së mjedisit, ku bënë pjesë edhe Uji, si e mirë e jashtëzakonshme, dhuratë nga Zoti.”- thuhet në të.

“Kompania Rajonale e Ujësjellësit ‘Hidrodrini’ në Pejë, edhe njëherë zotohet, që sikur deri më sot, me të gjitha kapacitetet furnizuese, teknologjike, humane e njerëzore, të mbajë të furnizuar 24 orë konsumatorët e zonës së mbulueshmërisë.”- përfundon komunikata./Pejanefokus.net./

The post ‘Hidrodrini’ në Ditën e Tokës: Zotim për furnizim 24-orësh me ujë appeared first on pejanefokus.net.

“Që nga ajo ditë u bëmë shokë të pandashëm – hanim bashkë, flinim bashkë dhe falnim namazin së bashku,” rrëfen ai për kohën kur u njohën në Kalimash.

Para se të niseshin drejt frontit, kujton një moment që sot merr tjetër peshë:“Kurrë nuk do t’ju lë vetëm, as ty, as Lulin.”

Më 19 prill 1999, në kulmin e betejës në Koshare, gjithçka ndryshoi.

“O Lul, u vra vëllai yt – Korri!” ishte thirrja që i ngriti menjëherë në këmbë.

“Korri ishte plagosur rëndë në gjoks… e morëm për ta dërguar te mjekët,” tregon ai, duke shtuar se gjatë rrugës, Korrani kishte ende forcë të fliste:“Kuuu, e mora një plumb… s’e kisha besu!”

Por pak çaste më vonë, gjithçka përfundoi: “Vdiq para se të arrinim te mjekët… vdiq para syve tanë.”

Edhe pas rënies, shokët nuk e lanë vetëm.

“E pastruam dhe e varrosëm me nderime ushtarake… deshëm që familja të kishte një kujtim të fundit.”- vazhdon rrëfimin Kelmendi, sypërlotur.

Ky rrëfim i drejtpërdrejtë sjell jo vetëm dhimbjen e humbjes, por edhe besnikërinë dhe lidhjen e fortë mes luftëtarëve që ndanë gjithçka – deri në momentet e fundit. /N’Fokus+/Pejanefokus.net.

The post Ish-ushtari nga Peja rrëfen momentin tragjik: “Ai vdiq para syve tanë” appeared first on pejanefokus.net.

Një pjesë e qytetarëve zgjedhin të kalojnë kohën në kafene, duke konsumuar kafe apo çaj dhe duke zhvilluar takime pune ose shoqërore. Të tjerë preferojnë të qëndrojnë në shtëpi, duke shfrytëzuar kohën për pushim, shikim filmash apo leximi.

Po ashtu, qendrat tregtare mbeten një nga destinacionet më të frekuentuara në ditë me shi, pasi ofrojnë mundësi për blerje dhe argëtim në ambiente të mbrojtura nga kushtet atmosferike. Ndërkohë, disa qytetarë e shfrytëzojnë këtë kohë për aktivitete sportive në ambiente të mbyllura, si palestra apo fitnesi.

Sipas vëzhgimeve, dita me shi nuk ndikon në ndaljen e plotë të aktiviteteve, por më shumë në zhvendosjen e tyre nga jashtë në brendësi, duke krijuar një ritëm tjetër të jetës urbane.

Në fund, pavarësisht motit, qytetarët gjejnë mënyra për ta bërë ditën produktive apo relaksuese, duke iu përshtatur kushteve që sjell shiu./N’Fkus+/Pejanefokus.net/

The post Çfarë bëjnë qytetarët në një ditë pune me shi?  appeared first on pejanefokus.net.