Sipas organizatorëve, gjatë katër ditëve të festivalit do të zhvillohen mbi 40 aktivitete sportive, rekreative, edukative dhe kulturore në Pejë dhe Rugovë. Programi përfshin ecje malore, çiklizëm, vrapim, ngjitje, paragliding, speleologji, aktivitete për fëmijë, punëtori tradicionale dhe edukative, si dhe përmbajtje të tjera të përshtatura për grupmosha dhe interesa të ndryshme.

Festivali synon promovimin e Pejës dhe rajonit të Rugovës si destinacione të turizmit aktiv, duke u ofruar qytetarëve dhe vizitorëve mundësinë të përjetojnë natyrën, aktivitetin fizik dhe kulturën lokale në një mënyrë gjithëpërfshirëse.

Një nga veçoritë kryesore të festivalit mbetet fakti se shumica e aktiviteteve ofrohen pa pagesë ose me tarifa simbolike. Organizatorët theksojnë se kjo është bërë e mundur falë bashkëpunimit me komunitetin lokal, partnerët, organizatat dhe dhjetëra vullnetarë që kontribuojnë në realizimin e programit.

Programi i këtij viti është konceptuar për të gjitha grupmoshat, duke përfshirë aktivitete edukative dhe rekreative për fëmijë e familje, por edhe aventura në natyrë për pjesëmarrës me përvojë. Vëmendje e veçantë u është kushtuar edhe atyre që dëshirojnë të provojnë për herë të parë aktivitete outdoor.

Risia kryesore e edicionit 2026 është organizimi i garës së parë “Peja Trail Run”, e cila do të mbahet më 14 qershor. Organizatorët presin rreth 300 pjesëmarrës nga Kosova, rajoni dhe vende të ndryshme ndërkombëtare, të cilët do të garojnë në dy kategori, 10 dhe 23 kilometra.

Përveç aspektit sportiv, gara synon të promovojë potencialin e Bjeshkëve të Nemuna dhe Pejës si destinacione të turizmit sportiv dhe aktiv.

Hapja zyrtare e festivalit do të mbahet më 11 qershor, duke filluar nga ora 20:30, në Mulliri i Haxhi Zekës. Në këtë ngjarje do të marrin pjesë përfaqësues të institucioneve lokale, të Komunës së Pejës, shoqatave sportive e rekreative, guidave malore, bizneseve lokale, vullnetarëve dhe anëtarëve të komunitetit.

Organizatorët ftojnë qytetarët dhe vizitorët të bëhen pjesë e aktiviteteve të festivalit dhe të përjetojnë nga afër programin katërditor që promovon natyrën, sportin, bashkëpunimin komunitar dhe zhvillimin lokal. /Pejanefokus.net/Sport/

The post 40 aktivitete për 4 ditë në Pejë – rikthehet “Peja Outdoor Festival” 2026 appeared first on pejanefokus.net.

Në konkurrencë me 428 atletë nga vende të ndryshme, Bakraçi doli e para në garë, duke lënë pas edhe kampionen ballkanike nga Serbia.

Ajo përmirësoi rekordin e mëparshëm shtetëror prej 35 minuta e 32 sekonda, duke e përfunduar garën 14 sekonda më shpejt.

Për arritjen historike, atletja kosovare u përgëzua edhe nga Ministria e Sportit dhe Rinisë. /Pejanefokus.net/Sport/

The post Gresa Bakraçi thyen rekordin shtetëror në 10 kilometra appeared first on pejanefokus.net.

Pas sigurimit matematikor të mbijetesës ka reaguar kapiteni Donart Sheqerolli, i cili falënderoi lojtarët, stafin dhe drejtuesit e klubit për angazhimin gjatë sezonit.

Ai tha se skuadra kishte vetëm 8 pikë pas pjesës së parë të sezonit, por arriti të rikthehet dhe ta sigurojë qëndrimin në ligë.

“Pak njerëz besun që kjo skuadër mundet me u shpëtu. Shumë skepticizëm, shumë dyshime, por në fund ky grup e bani të pamundurën të mundur”, ka shkruar Sheqerolli. /Pejanefokus.net/Sport/

The post “Besa Peja” siguron mbijetesën, reagon kapiteni Sheqerolli appeared first on pejanefokus.net.

Atmosfera nisi në mënyrë festive, ku para fillimit të ndeshjes performoi këngëtari pejan Ramadan Krasniqi – Dani me këngën “Pejë o lule Dukagjini”.

Në parket, ndeshja ishte e luftuar deri në fund. – Te Peja u dallua Bracey me 31 pikë, katër kërcime e tetë asistime, ndërsa te Trepça më i miri ishte Vining me 24 pikë, tri kërcime dhe tri asistime.

Me këtë fitore, Trepça kalon në finale ku pret fituesin e përballjes KB Bashkimi – KB Bora.

Pas ndeshjes nuk munguan reagimet.

Nga kampi pejan u vlerësua loja dhe mbështetja e tifozëve: “Luftë e madhe deri në sekondat e fundit, por detajet vendosin gjithçka. Eliminohemi nga gjysmëfinalet. Faleminderit Pejë për mbështetjen e jashtëzakonshme”.- reagoi KB Peja.

Ndërkohë, nga Trepça erdhi një reagim më i ashpër ndaj kundërshtarit: “Jo në nivelin tonë! Jeni për TREPÇEN!”.

Ironikisht, festa e mysafirëve pas ndeshjes u shoqërua edhe me këngë nga Sofra Pejane, siç u pa në një nga postimet e klubit mitrovicas, duke i dhënë një simbolikë të veçantë mbrëmjes në Pejë./Pejanefokus.net./Sport/

The post Peja – Trepça: Nga drama te “thumbimet” dhe festa me këngë pejane appeared first on pejanefokus.net.

Sipas vendimit, lojtari i KB Peja, Daquan Bracey, është dënuar me 100 euro për gabim teknik dhe sjellje josportive. Klubi pejan është gjobitur gjithashtu me 500 euro për përdorim të muzikës dhe mikrofonit me qëllim nxitjen e ofendimeve në kor, si dhe me 500 euro të tjera për hedhje të mjeteve të forta në fushë.

Po ashtu, KB Peja është dënuar edhe me 700 euro për sjellje josportive dhe thirrje ofenduese ndaj ekipeve, gjyqtarëve dhe zyrtarëve të ndeshjes.

Nga ana tjetër, edhe KB Trepça është ndëshkuar, ku lojtari Akil Vining është gjobitur me 100 euro për gabim teknik dhe sjellje josportive.

FBK ka bërë të ditur se këto masa vijnë në kuadër të rregullave të garave dhe paralajmërimeve për tolerancë zero ndaj sjelljeve që cenojnë rendin dhe fair-play-in në fazat vendimtare të kampionatit. /Pejanefokus.net/Sport.

The post FBK shqipton gjoba ndaj Pejës dhe Trepçës pas ndeshjes së dytë gjysmëfinale appeared first on pejanefokus.net.

Në fushën e Brestovikut, dy rivalët lokalë luftuan fort për çdo top, në një ndeshje ku pesha e pikëve ishte enorme për mbijetesën.

Emocionet nuk munguan, por në fund skuadrat u ndanë me nga një pikë.

Dueli bëhet edhe më dramatik kur shihet tabela – të dy ekipet kanë nga 29 pikë.

Besa mban pozitën e 15-të, ndërsa Rilindja është menjëherë pas saj në vendin e 16-të.

Me vetëm pak javë deri në fund, çdo pikë tashmë mund të jetë vendimtare./Pejanefokus.net/Sport.

The post Derbi lokal në Pejë mbyllet pa fitues appeared first on pejanefokus.net.

Në parket ishte edhe Saranda Daci, basketbollistja që vjen nga Peja, por që aktualisht luan për Bashkimin e Prizrenit.

Pikërisht ajo ishte një nga lojtaret më të dalluara në ndeshjen vendimtare, duke dhënë kontribut të rëndësishëm në triumfin e skuadrës së saj.

Edhe pse ‘KBF Peja 03’ nuk arriti të fitojë titullin para publikut të vet, paraqitja e Dacit solli një ndjesi të veçantë – një lojtare vendase që shkëlqen në skenën më të madhe të basketbollit vendor.

Në fund, sporti solli një histori të bukur: një finale e madhe, emocione të forta dhe një emër nga Peja që u bë pjesë e momentit vendimtar./Pejanefokus.net/Sport/

Kliko lajmin paraprak rreth ngjarjes: https://pejanefokus.net/vajzat-e-prizrenit-kampion-pas-finales-se-madhe-ne-karagac/

The post Nga Peja në titull: Saranda Daci, pejanja që shkëlqeu në finalen e madhe appeared first on pejanefokus.net.

Në ndeshjen e shtatë dhe vendimtare të zhvilluar sonte në palestrën “Karagaçi” në Pejë, KBF Prizreni ka arritur fitore ndaj KBF Peja 03 me rezultat 61:71, në një përballje të fortë dhe të luftuar deri në fund.

Megjithatë, kjo fitore nuk ka ndryshuar epilogun e serisë finale, e cila përfundoi 4:3 në favor të Bashkimit, duke e shpallur këtë të fundit kampion të edicionit. /Pejanefokus.net/Sport

The post Vajzat e Prizrenit kampion pas finales së madhe në “Karagaç” appeared first on pejanefokus.net.

Në parket përballen KBF Peja 03 dhe Bashkimi, me serinë e barabartë 3:3, çka e bën këtë duel vendimtar për titullin.

Trajneri i ekipit pejan, Muhamed Thaqi, ka bërë thirrje për përkrahje masive nga tifozët në këtë përballje historike./Pejanefokus.net/Sport/

The post Finalja e madhe në Pejë: sonte vendoset kampioni appeared first on pejanefokus.net.

Teksa gjatë së dielës janë raportuar zjarre në terrenin e Levoshes në Pejë, Qorraj ka qenë në detyrë si zjarrefikës, duke u angazhuar në shuarjen e flakëve në zonën e Shtegut të Gështenjave.

Ajo që e bën rastin më të veçantë është fakti se vetëm pak orë më herët, ai kishte qenë në një tjetër “fushë pune” – si gjyqtar anësor në ndeshjen “Liria” – “Ramiz Sadiku”, e zhvilluar në Prizren, ku kishte mbajtur flamurin si refer.

Nga bilbili në dorë te mjeti i fikjes së zjarrit, dita e tij ka kaluar mes dy përgjegjësive krejt të ndryshme, por të lidhura nga një gjë e përbashkët: angazhimi në shërbim./Pejanefokus.net/Sport.

The post Zjarrefikës dhe gjyqtar futbolli: Rasti i veçantë i Korab Qorraj nga Peja appeared first on pejanefokus.net.