Më 17 shkurt 2008, në Prishtina, u nënshkrua Deklarata e Pavarësisë së Kosovës – dokumenti që e shpalli Kosovën shtet të pavarur dhe sovran.
Në këtë deklaratë u theksua se Kosova do të jetë republikë demokratike, laike dhe shumetnike, me barazi të plotë për të gjitha komunitetet. U garantuan të drejtat dhe liritë themelore të njeriut, mbrojtja e minoriteteve dhe përkushtimi për paqe e stabilitet në rajon.
Dokumenti gjithashtu shprehte gatishmërinë për bashkëpunim ndërkombëtar dhe integrim në institucionet euro-atlantike, duke marrë përgjegjësinë për ndërtimin e një shteti modern dhe funksional.
Deklarata përmbante këto pika kryesore:
Shpalljen e Kosovës shtet të pavarur dhe sovran.
Zotimin se Kosova do të jetë republikë demokratike, laike dhe shumetnike.
Garantimin e të drejtave dhe lirive themelore të njeriut për të gjithë qytetarët, pa dallim etnie, feje apo gjuhe.
Përkushtimin për të zbatuar Planin e Ahtisaarit (Martti Ahtisaari), që parashihte mbrojtje të veçantë për komunitetet jo-shumicë.
Zotimin për paqe, stabilitet dhe marrëdhënie të mira me fqinjët.
Kërkesën për njohje ndërkombëtare dhe integrim në organizata ndërkombëtare.
Deklarata u nënshkrua nga 109 deputetë të Kuvendit të Kosovës, prej tyre nga Peja ishin: Ethem Çeku, Besa Gaxherri, Hajredin Kuqi, Xhevdet Neziraj, Xhavit Haliti, Naim Maloku, Adem Grabovci, Adem Hajdaraj, Ali Lajqi, Gjylnaze Syla dhe Numan Balic, dhe u lexua nga atëherë Kryeministri Hashim Thaçi.
Në thelb, dokumenti theksonte se Kosova po merrte përgjegjësinë për të qenë shtet demokratik, me orientim euro-atlantik dhe me respekt për të gjitha komunitetet. /Pejanefokus.net