Sipas Policisë, një person në Deçan ka kërkuar ndihmë mjekësore për shkak të një lëndimi në gishtin tregues të dorës, që dyshohet se është shkaktuar nga arma e zjarrit.
Njësitë policore kanë kontaktuar me të lënduarin, i cili ka deklaruar se është vetëplagosur. Policia ka sekuestruar si prova materiale një armë zjarri (revole) pa leje dhe një gëzhojë që dyshohet se i përket së njëjtës armë.
“Deçan / 17.01.2026 – 02:50. Policia është njoftuar se një person ka kërkuar ndihmë mjekësore për shkak të lëndimit në gishtin tregues të dorës e që dyshohet se është shkaktuar nga arma e zjarrit. Njësitë policore kanë kontaktuar me të lënduarin m/k dhe i njëjti ka deklaruar se është vet plagosur. Si prova materiale policia ka sekuestruar një armë zjarri (revole) pa leje dhe një gëzhojë qe dyshohet se është e të njëjtës armë. Në konsultim me prokurorin kujdestar rasti mbetet nën hetime”- thuhet në raportin policor.
Me vendim të prokurorit kujdestar, rasti mbetet nën hetime./Pejanefokus.net.