Mësimi është ndërprerë sot (e mërkurë) dhe nesër (e enjtë) në SHFMU “Vaso Pashë Shkodrani” në Pejë, për shkak të mungesës së lëndës djegëse (pelet).
Rastin për Peja në Fokus e kanë konfirmuar prindër të nxënësve, ndërsa drejtoresha e shkollës, Syndyze Loxha, ka bërë të ditur se ndërprerja është e përkohshme dhe lidhet drejtpërdrejt me mungesën e ngrohjes.
Siç ka raportuar më herët Peja në Fokus, objekti i ri i shkollës është përuruar në shtator 2025, por që nga fillimi janë shfaqur ankesa për mungesë të ngrohjes, duke marrë parasysh edhe sipërfaqen e madhe të objektit.
Sipas ish-drejtorit të Arsimit në Komunën e Pejës, Naser Gega, problemi lidhet me mungesën e trafos elektrike.
Përkundër tenderimit dhe proceseve përcjellëse, ajo ende nuk është vendosur.
Ende nuk dihet se kur do të zgjidhet ky problem dhe kur nxënësit do t’i kthehen mësimit normal./Pejanefokus.net.