Sot, 15 shkurt 2026, Peja kujton humbjen e Herës Boletinaj, e cila u nda nga jeta më 15 shkurt 2022, në moshën 39-vjeçare, në ditën që do të festonte ditëlindjen e saj.
Për qytetin dhe më gjerë, sot e asaj dite kjo ngjarje mbeti një lajm që tronditi familjen, miqtë dhe ata që e njohën.
Hera ishte një nga qytetaret më të përkushtuara dhe aktive në OJQ “Duart Plotë Mëshirë”, ku ofronte mbështetje humanitare dhe psikosociale për ata që kishin nevojë.
Kontributi i saj mbeti një dritë për komunitetin dhe një shembull i përkushtimit dhe mirëdashjes.
Pas saj mbeten bashkëshorti Nexhmedin, djali Aulini, vajzat Aulonen e Albulenen, si dhe prindërit Salihu e Najqe.
Sot, Peja dhe familja e saj e kujtojnë me respekt dhe mall shpirtin e mirë që la pas.
Një humbje që nuk harrohet, një përkujtim që bashkon zemrat e komunitetit./Pejanefokus.net.