Një rast i dhunës në familje është raportuar mëngjesin e së martës në Pejë, ku një burrë ka denoncuar në polici bashkëshorten e tij.
Sipas tij, ajo ka ushtruar dhunë ndaj fëmijës së tyre.
“Pejë, 17.03.2026 – 10:00. Ankuesi mashkull kosovar ka raportuar se bashkëshortja e tij që një kohë të gjatë është duke ushtruar dhunë fizike ndaj fëmijës së tyre”, thuhet në raportin policor.
Si dëshmi, ankuesi ka dorëzuar video-incizime dhe mesazhe.
E dyshuara është intervistuar dhe, me urdhër të prokurorit, është liruar në procedurë të rregullt, ndërsa rasti po hetohet si dhunë në familje./Pejanefokus.net.