Trainkos ka njoftuar se disa kategori të qytetarëve përfitojnë udhëtim falas në tren në linjën Pejë–Prishtinë dhe anasjelltas.
Sipas njoftimit, në këtë listë përfshihen familjet e dëshmorëve dhe martirëve të luftës, invalidët dhe veteranët e UÇK-së, fëmijët nën moshën 4 vjeç, punëtorët e Trainkos Sh.A. dhe Infrakos Sh.A., personat e verbër me përcjellësit e tyre, si dhe pjesëtarët e Forcës së Sigurisë së Kosovës.
Nga Trainkos bëhet e ditur se udhëtarët duhet të posedojnë dokumentacionin përkatës për të dëshmuar të drejtën e përfitimit. /Pejanefokus.net.