Në vitin 2022, në këtë lokacion u vendos memoriali në kujtim të viktimave të sulmeve të 11 Shtatorit 2001.

Ceremonia e përurimit u mbajt në ora 14:46, që përkon me orën 08:46 në New York, momentin kur aeroplani i parë goditi Kullën Veriore të Qendrës Botërore të Tregtisë.

Peja në Fokus e kishte transmetuar këtë ngjarje, duke sjellur pamje nga afër.

KLIKO VIDEON E CEREMONISË NË LINK:  https://www.facebook.com/share/v/1BuTF3dVxs/

Sulmet e 11 Shtatorit shkaktuan mijëra viktima dhe mbeten një nga ngjarjet më tragjike të historisë moderne. /Pejanefokus.net/Image OF Peja/

The post Peja ruan një copëz nga 11 Shtatori 2001 appeared first on pejanefokus.net.

Sipas pllakës e cila ndodhet e vendosur në oborrin e saj, pranë hyrjes, ndërtesa nuk e ruan gjendjen e saj fillestare, pasi gjatë rindërtimit në vitin 1985 ka pësuar transformime të konsiderueshme.

Për këtë arsye, gjendja aktuale e monumentit nuk përputhet plotësisht me formën e tij burimore.

Ky monument sakral islam ka rëndësi të veçantë historike për shqiptarët e kësaj ane.

Gjatë luftës së fundit në Kosovë, xhamia shërbeu si vendstrehim për shumë shqiptarë që ishin dëbuar nga shtëpitë e tyre.

Në vitin 1999, gjatë luftës, ushtria serbo-sllave e dogji tërësisht xhaminë.

Pas përfundimit të luftës, ajo u restaurua dhe vazhdoi të jetë në funksion të komunitetit.

Përveç ceremonive fetare, në këtë objekt zhvillohen edhe aktivitete të tjera në interes të banorëve të Lybeniqit. /Pejanefokus.net/Image OF Peja/

The post Xhamia e Lybeniqit të Pejës, histori qëndrese appeared first on pejanefokus.net.

Rasti është cilësuar si “Person i zhdukur” dhe është nën hetime.

Ky është rasti i tretë i raportuar brenda pak ditësh në Pejë.

Kliko lajmin paraprak të raportimit:  https://www.facebook.com/share/p/1EvC4m3QAh/

Pak ditë më parë ishin raportuar edhe dy raste të tjera të personave të zhdukur.

Për njërën prej vajzave të raportuara të zhdukura ishte mësuar jozyrtarisht se është gjetur, ndërsa për rastin tjetër nuk është bërë e ditur ndonjë informatë e re nga Policia.

Ndërkohë, më 28 gusht, Policia kishte raportuar edhe një rast tjetër të personit të zhdukur në rrugën “Ymer Basha” në Pejë. /Pejanefokus.net/Ju flet Peja/

The post Zhduket edhe një person në Pejë – rasti i tretë brenda pak ditësh appeared first on pejanefokus.net.

Kjo e dhënë është nxjerrë nga një hulumtim i publikuar nga Instituti GAP, i cili ka analizuar borxhet e papaguara ndaj 37 komunave të Kosovës.

Kliko burimin e informacionit në link:  https://www.facebook.com/share/p/1DscVLMg3d/

Në nivel vendi, borxhi total arrin në rreth 308 milionë euro, apo 11.2 për qind më shumë se në vitin 2024.

‘Peja në Fokus’ ka përzgjedhur të dhënat për katër komunat e rajonit të Pejës:

Pejë – 20.4 milionë euro

Klinë – 5.51 milionë euro

Deçan – 3.42 milionë euro

Istog – 3.03 milionë euro

Nga këto të dhëna, Peja ka shumën më të lartë të borxhit, me 20.4 milionë euro.

Ndryshe këto borxhe zakonisht janë detyrime të papaguara ndaj komunave, të cilat përfshijnë, varësisht nga komuna dhe kategoria:

– Tatimi në pronë – borxhe nga qytetarët dhe bizneset.

– Taksa dhe tarifa komunale.

– Leje, licenca dhe tarifa për ushtrimin e veprimtarisë.

– Qira për pronat komunale.

– Detyrime të tjera që komuna i mbledh nga qytetarët, bizneset dhe institucionet.

/Pejanefokus.net/Ju flet Peja/

The post Mbi 32 milionë euro borxhe ndaj katër komunave të rajonit të Pejës appeared first on pejanefokus.net.

Në kuadër të qendrës funksionon edhe FRON Care Plus, përmes së cilës ekipi shëndetësor ofron kujdes në shtëpi.

Shërbimet përfshijnë terapi I.V./I.M., infuzione dhe injeksione, vendosje e mirëmbajtje të kateterit urinar, trajtim të plagëve, vendosje të sondës nazogastrike, si dhe shërbime të tjera sipas nevojës./Pejanefokus.net/Pejabiznes/

FRON Medical Center – Pejë: 046 125 555

Kliko më shumë detaje në link: https://www.facebook.com/share/19GxZReyH7/

The post ‘FRON Medical Center’ në Pejë në Pejë – kujdes shëndetësor edhe në shtëpi appeared first on pejanefokus.net.

Sipas Spitalit, masa tumorale kishte rrethuar aortën abdominale dhe venën kava inferiore, me shtrirje deri te arteriet iliake, si dhe kishte përfshirë ureterin e majtë.

“Pas një diseksioni të kujdesshëm dhe të kontrolluar, u arrit rezeksioni i plotë i tumorit, së bashku me veshkën e majtë të përfshirë”, thuhej në njoftimin e Spitalit.

Ndërhyrja u realizua nga Dr. Bujar Vrella, kirurg, dhe Dr. Kushtrim Fejza, urolog, në bashkëpunim me ekipin e Anestezionit dhe sallës operative.

Ndërkaq, sot, më 9 shtator, Dr. Bujar Vrella ka dhënë një përditësim lidhur me gjendjen e pacientes.

“Pacientja, pas intervenimit kirurgjik, ka përfunduar me sukses trajtimin dhe sot është lëshuar nga spitali në gjendje të mirë shëndetësore”, ka njoftuar Vrella.

Ai ka falënderuar pacienten dhe familjen e saj për besimin, ndërsa ekipin e tij për përkushtimin dhe profesionalizmin gjatë gjithë trajtimit.

Në ekipin e ndërhyrjes morën pjesë edhe Dr. Ylli Morina, Dr. Adil Dobraj, Mergim Haziraj, Besarbër Qufaj, si dhe instrumentaret Nebahate Muhaxheri, Adelina Shala dhe Alberina Gashi./Pejanefokus.net/Ju flet Peja/

The post 82-vjeçarja lirohet pas operimit kompleks në Pejë appeared first on pejanefokus.net.

Sipas Avdylit, ai është përzgjedhur në Top 10 të “International Barber” dhe në këtë event do ta përfaqësojë Kosovën.

BBXPO zhvillohet në Gare Maritime, Tour & Taxis, ndërsa programi përfshin edhe garën “Barber Battle”, me 30 berberë të ndarë në tri kategori: https://bbxpo.be/en/

Pjesëmarrja në këtë event ndërkombëtar paraqet një mundësi për berberin nga Peja që të prezantojë aftësitë e tij para profesionistëve dhe publikut të këtij sektori.

Peja dhe Kosova do të jenë të përfaqësuara në skenën ndërkombëtare të barberingut. /Pejanefokus.net/Image Of Peja/

The post Berberi pejan përfaqëson Kosovën në BBXPO në Bruksel appeared first on pejanefokus.net.

Si nisi gjithçka?

Peja në Fokus u krijua më 2 prill 2012, në kuadër të organizatës joqeveritare Euro Peja Information (EPI), një organizatë me karakter kulturor, e cila vepronte kryesisht në fushën e informimit dhe edukimit.

Në atë periudhë, organizata kishte krijuar edhe portalin e njohur të kohës, “Peja Info”, i cili funksiononte nga hapësirat e Qendrës Rinore të atëhershme “Zoom”, e cila më vonë mori emrin Qendra Rinore Peja.

Fillimisht, faqja shërbente kryesisht për pasqyrimin e aktiviteteve të organizatës dhe informimin e qytetarëve.

Nga “Peja Info” te “Peja në Fokus”

Në vitin 2016, faqja mori emrin që mban edhe sot – “Peja në Fokus”.

Ndryshimi i emrit erdhi me një synim të qartë: fokusi të vendosej te Peja, njerëzit, ngjarjet dhe zhvillimet e saj.

Në atë periudhë, veprimtaria ishte ende kryesisht e përqendruar në Facebook dhe nuk kishte ritmin e sotëm të raportimit.

Për një periudhë, Peja në Fokus e zhvilloi aktivitetin e saj edhe nga një hapësirë në objektin e ish-Komitetit, në rrugën “Aleksandër Mojsiu”.

Rritja dhe profesionalizimi

Një etapë e rëndësishme në zhvillimin e Peja në Fokus erdhi gjatë viteve 2019–2020, kur projekti nisi të zgjerojë aktivitetin dhe kapacitetet e tij.

Me kalimin e kohës u formua një ekip prej pesë personash, me përgjegjësi për grumbullimin, verifikimin dhe publikimin e informacioneve.

Kjo periudhë shënoi edhe kalimin drejt një qasjeje më të strukturuar mediatike, ku konfirmimi i informacionit para publikimit u bë një nga parimet kryesore të punës.

Sot – më shumë se një faqe

Sot, Peja në Fokus funksionon si një biznes-media lokale dhe është e pranishme në disa platforma dhe produkte mediatike.

Në ekosistemin e saj përfshihen:

Peja në Fokus

Peja në Fokus Videos

Peja Biznes

Punesohu në Pejë

Image of Peja

Ju flet Peja

Përveç Facebook-ut, aktiviteti është shtrirë edhe në Instagram, TikTok dhe platforma të tjera digjitale.

Një tjetër hap i rëndësishëm ishte krijimi i portalit online https://pejanefokus.net/⁠, i cili shërben si platformë qendrore për publikimin e materialeve dhe përmbledhjen e aktiviteteve të Peja në Fokus.

Një rrjet bashkëpunimi

Gjatë viteve, Peja në Fokus ka ndërtuar bashkëpunime me biznese, organizata, media online, radio dhe televizione, duke krijuar një rrjet partneritetesh që e ka ndihmuar në zgjerimin e informimit lokal.

Sot, adresa e punës dhe takimeve me palët është në rrugën “Gazmend Zajmi”, në Qendrën Tregtare “Burma” në Pejë.

Parimi kryesor: Informacioni i konfirmuar

Në një kohë kur informacioni qarkullon me shpejtësi në rrjetet sociale, Peja në Fokus synon të ruajë një parim themelor:

Informacioni të kontrollohet dhe të konfirmohet para se të publikohet.

Qëllimi është që qytetarët e Pejës dhe rajonit të kenë një burim sa më të besueshëm për ngjarjet, zhvillimet dhe çështjet që prekin komunitetin.

Nga një ide e vitit 2012, në një media lokale

Pas më shumë se një dekade, rrugëtimi i Peja në Fokus është historia e një projekti që nisi si një faqe informuese dhe gradualisht u shndërrua në një media lokale me ekip, platforma të shumta dhe prani të përditshme në jetën publike të Pejës.

Themeluesi dhe ndërtuesi kryesor i këtij projekti është gazetari Valdrin Daci. /Pejanefokus.net/

Motoja e jona:”Peja në Fokus – Peja, njerëzit dhe ngjarjet e saj. Nuk synojmë të jemi të parët, por të besueshmit. Sepse, në fund, krejt kanë me qenë në Fokus.”

The post Nga ‘Peja Info’ te ‘Peja në Fokus’: 14 vite në shërbim të publikut appeared first on pejanefokus.net.

Kelmendi ka kritikuar deklaratat e Porfirijes gjatë ceremonisë, duke i cilësuar si “të turpshme dhe të papranueshme”, ndërsa ka ngritur pikëpyetje për raportet e tij me kryetarin e Komunës së Pejës, Gazmend Muhaxheri.

https://www.facebook.com/share/p/1HvHNStRqh/

Në postimin e tij, Kelmendi ka publikuar edhe një fotografi ku shihen Muhaxheri dhe Porfirije, duke pretenduar se fotografia është realizuar para rreth dy muajsh.

Ai thekson gjithashtu se kjo nuk është hera e parë që Muhaxheri është parë në krah të Patriarkut.

Kmendi e ka sfiduar Muhaxherin që të japë një qëndrim publik pas ceremonisë së Mlladiqit dhe të distancohet nga Porfirije.

Nga ana tjetër, deri në publikimin e këtij artikulli, nuk është parë ndonjë reagim i kryetarit Gazmend Muhaxheri. /Pejanefokus.net/Ju flet Peja/ 

The post Kërkohet distancim nga Muhaxheri pas ceremonisë për Mlladiqin appeared first on pejanefokus.net.

Dhuna në familje në rajonin e Pejës ka marrë një kthesë tragjike. Një grua ka humbur jetën pas plagëve të marra në një ngjarje të rëndë të raportuar më 6 shtator në Klinë.

Sipas Policisë, një burrë dyshohet se sulmoi rëndë një grua, ndërsa më pas kishte sulmuar fizikisht edhe nënën dhe motrën e tij. Viktimat u dërguan për trajtim mjekësor, ndërsa i dyshuari u arrestua dhe u dërgua në repartin e psikiatrisë nën mbikëqyrje policore. Më pas u raportua se motra e të dyshuarit ndërroi jetë si pasojë e plagëve të marra.

Në të njëjtën ditë, në Istog, u raportua një rast i dhunës fizike ndaj një gruaje. I dyshuari u arrestua dhe u dërgua në mbajtje me vendim të prokurorit.

Në Deçan, pas një mosmarrëveshjeje, dy burra u sulmuan fizikisht mes vete. Pas intervistimit, të dy u liruan dhe rasti vazhdon në procedurë të rregullt.

Ndërsa më 7 shtator në Pejë, një burrë u arrestua pasi dyshohet se kishte kanosur një grua. Me vendim të prokurorit, ai u dërgua në mbajtje.

Këto raste janë raportuar brenda vetëm dy ditësh në rajonin e Pejës, duke rikthyer në vëmendje përmasat e dhunës në familje dhe pasojat që mund të ketë ajo.

Nga një rast i raportuar, në një jetë të humbur – dhuna në familje nuk mbetet gjithmonë vetëm brenda mureve të shtëpisë. /Pejanefokus.net/Ju flet Peja/

The post Një grua humb jetën nga dhuna në familje në rajonin e Pejës appeared first on pejanefokus.net.