Platforma përdor inteligjencën artificiale për porosi dhe komunikim me klientët, ndërsa mundëson edhe pagesën digjitale në shtatë gjuhë të huaja. Një ide e zhvilluar në Pejë synon të sjellë një mënyrë të re të shërbimit në kafiteri, restorante, bare dhe hotele.
Bëhet fjalë për Scanord, një platformë digjitale që synon të automatizojë një pjesë të procesit që zakonisht kryhet nga kamarieri – nga marrja e porosisë deri te pagesa.
Kliko linkun e platformës: https://scanord.biz/
Klienti skanon QR-kodin në tavolinë dhe, përmes telefonit, mund ta shohë menynë, të komunikojë me agjentin e bazuar në inteligjencë artificiale, të zgjedhë produktet dhe ta dërgojë porosinë direkt te stafi.
Platforma mundëson edhe kryerjen e pagesës, duke e bërë të gjithë procesin – nga zgjedhja e produktit, porosia e deri te pagesa – të realizueshëm përmes telefonit.
Një nga veçoritë që Scanord e veçon është përdorimi në shtatë gjuhë të huaja. Kjo synon të eliminojë barrierën gjuhësore mes klientëve dhe stafit, veçanërisht në zonat turistike ku lokalet presin vizitorë nga vende të ndryshme.
Kështu, një turist mund ta përdorë sistemin në gjuhën e tij, ndërsa porosia përcillet te stafi në mënyrë të kuptueshme.
Si mund të përdoret – kliko manualin me video: https://www.facebook.com/share/r/18RJNvk2GX/
Scanord është zhvilluar në Pejë të Kosovës, ndërsa synimi i ekipit nuk ndalet vetëm në tregun lokal. Pas Kosovës, platforma synon të zgjerohet edhe në tregjet ndërkombëtare dhe të depërtojë në vende të tjera të botës.
Ideja është që teknologjia dhe inteligjenca artificiale të marrin përsipër një pjesë të punës së kamarierit, ndërsa stafi të fokusohet më shumë në pjesët e tjera të shërbimit ndaj klientit.
Nga Peja në botë – një platformë që synon ta bëjë porosinë dhe pagesën në lokale më të shpejtë, më të thjeshtë dhe pa barrierë gjuhësore./Pejanefokus.net/Peja Biznes/