Në kuvend u miratua Statuti i Shoqatës Sindikale, ndërsa u vendos që nga 1 janari 2027 të fillojë pagesa e anëtarësisë sindikale në vlerë prej 2 eurosh në muaj për secilin anëtar.

Pas konstituimit të Kryesisë, Redžo Kojić u zgjodh kryetar i Sindikatës. Nënkryetarë u zgjodhën Sofije Seferi dhe Fazli Rexhaj, ndërsa Egzon Vokshi do të jetë përgjegjës për financat.

Sipas njoftimit, sindikata do të angazhohet për mbrojtjen e të drejtave dhe interesave të punëtorëve, si dhe për forcimin e dialogut social dhe përmirësimin e kushteve të punës. /Pejanefokus.net/Ju flet Peja/

The post Punëtorët e “Hidrodrinit” me sindikatë të re appeared first on pejanefokus.net.

Takimi, i planifikuar të niste në ora 10:00, filloi rreth 45 minuta me vonesë për shkak të vonesës së pjesëmarrësve.

Edhe pse kishte konfirmuar pjesëmarrjen, kryetari i Komunës së Pejës, Gazmend Muhaxheri, nuk mori pjesë në tryezë, e po ashtu, të pranishëm nuk ishin as drejtori i Inspektoratit, Albi Shala, dhe drejtori i Emergjencave, Luan Voci.

Një nga temat kryesore ishte zjarri që përfshiu deponinë më 14 korrik.

I pyetur nëse zjarri ishte i qëllimshëm, komandanti i Policisë në Pejë, Faik Jahmurataj, tha se Policia ende nuk ka një konfirmim zyrtar, pasi rasti vazhdon të hetohet.

Kjo deklaratë vjen pasi më herët nga KRM “Ambienti” ishte deklaruar se zjarri dyshohej të ishte shkaktuar nga persona të papërgjegjshëm.

Në tryezë u prezantua edhe projekti për deponinë e re të mbeturinave, e cila pritet të ndërtohet pranë deponisë ekzistuese në Sferkë.

Sipas kryeshefit ekzekutiv të Kompanisë për Menaxhimin e Deponive në Kosovë (KMDK), Dardan Velija, procedurat e prokurimit pritet të përfundojnë deri në fund të vitit 2026, punimet të nisin në gjysmën e parë të vitit 2027 dhe të zgjasin 18 muaj.

Projekti parashihet të kushtojë 14 milionë euro, ku 9 milionë euro do të financohen nga Bashkimi Evropian, 2 milionë euro nga KMDK-ja dhe 3 milion euro nga Komuna e Pejës.

Tryeza u fokusua në përgjegjësitë institucionale, ndikimin e deponisë në mjedis dhe shëndetin e qytetarëve, si dhe hapat e nevojshëm për një zgjidhje të qëndrueshme të menaxhimit të mbeturinave në rajon. /Pejanefokus.net/Ju flet Peja/ 

Kliko për ngjarjen në link: https://www.facebook.com/share/p/1cXXA8r5zR/

The post Deponia e Sferkës në Pejë – në fokus të institucioneve appeared first on pejanefokus.net.

Sipas rrëfimit të tij, në këtë betejë forcat e UÇK-së u përballën me forca speciale serbe, duke arritur t’i ndalin dhe t’i detyrojnë ato të tërhiqen.

Jasiq dhe Gjocaj janë fshatra malorë që shtrihen në pjesën perëndimore të Junikut.

Komandantët Agim Ramadani e Rrustem Berisha në këto dy fshatra takuan djem që ishin të gatshëm për luftë, por atyre ju ishin bashkuar edhe disa bashkëluftëtarë nga Peja, Shkupi e Tropoja.

Ushtria Çlirimtare e Kosovës kishte për qëllim mbrojtjen dhe vënien nën kontroll të Junikut, nga forcat militare e paramilitare serbe që kishin mësyer malet e Gjocajve për të marshuar drejt civilve Junikas, për të kryer gjenocid e masakër ndaj grave e fëmijëve të paarmatosur.

Një nga ngjarjet më të rëndësishme të kësaj periudhe ishte edhe Beteja e Zharrës që ka ndodhur me datë 28/07/1998, ku forcat speciale të SAITIT të Nishit hyn në Zharrë të fshatit Gjocaj me njësit e tyre, me një numër rreth 250-300 ushtarë dhe paramilitarë serb!

Në këtë vend “Zharrë” përball tyre shfaqen djemtë më të dalluar të UÇK-së, të cilët edhe pse jo të barabart me armatim dhe municion arrijnë jo vetëm ti ndalin por edhe t’i mposhtin duke i detyruar të tërhiqen në drejtim të ardhjes së tyre nga Karaolli i Koshares duke bartë me vete edhe kufomat e tyre!

“Në këtë Betejë nga ne u ndanë e rane dëshmor: Avdyl Jasiqi, Shkelzen Gacaferi,, Arif Gjoci.
Po në këtë Betejë u plagosën edhe:
Sabri Alimi Qerim Gjocaj e Arif Maloku
Beteja e Zharrës ishte fillimi i Betejës së Koshares”- thotë mes tjerash Rexhepi.

Në fotografi mësohet se janë Komandant Agim Ramadani, Gjeneral Rrustem Berisha dhe bashkëluftëtarë tjerë të Kosharës.

Ndryshe, Beteja e Zharrës konsiderohet si një nga përballjet që i parapriu Betejës së Koshares. /Pejanefokus.net/Ju flet Peja/

The post 28 vite nga Beteja e njohur e Junikut perball forcave serbe   appeared first on pejanefokus.net.

Sipas të dhënave të prezantuara për Peja në Fokus nga Dr. Adnora Nurboja, drejtoreshë e Institutit Kombëtar të Shëndetit Publik (IKSHP) në rajonin e Pejës, 82% e rasteve janë meshkuj, ndërsa 18% femra.

Sipas rajoneve, numrin më të madh të rasteve e ka Prishtina me rreth 80, e pasuar nga Prizreni me rreth 35 dhe rajoni i Pejës me rreth 25 raste të regjistruara.

Vetëm gjatë periudhës janar–qershor 2026 janë raportuar tri raste të reja në rajonin e Pejës, prej të cilave dy në komunën e Pejës dhe një në komunën e Istogut.

Grupmosha më e prekur mbetet ajo 25–34 vjeç, e cila përbën rreth 35% të të gjitha rasteve. /Pejanefokus.net/Ju flet Peja/

The post 25 raste me HIV/AIDS në rajonin e Pejës që nga viti 1986 appeared first on pejanefokus.net.

Avni Kelmendi ka dërguar fotografi nga vendi i ngjarjes, duke thënë se kafsha ishte duke kullosur kur ka pësuar nga rryma elektrike.

Sipas tij, ai më herët ka kërkuar ndërhyrje nga KEDS-i për eliminimin e kabllove dhe rregullimin e tyre, si dhe sipas tij, ekipet e tyre kanë dalë në terren, por gjithnjë sipas tij, nuk e kanë vlerësuar situatën si rrezik.

E tani, asi ky rast ka ndodhur, ai ka bërë të ditur se lidhur me dëmin e pretenduar do të kërkojë kompensim nga KEDS-i, ndërsa ka sqaruar se deri tani nuk ka paraqitur ankesë zyrtare me shkrim.

‘Peja në Fokus’ ka kontaktuar KEDS-in lidhur me këtë rast dhe ka kërkuar sqarime nga kompania për pretendimet e qytetarit, ndërsa përgjigjja e tyre do të publikohet sapo të pranohet.

Deri në marrjen e një përgjigjeje zyrtare, rrethanat e plota të rastit mbeten për t’u sqaruar. /Pejanefokus.net/Ju flet Peja/

The post Qytetarit i ngordh lopa në Bogë, pretendohet për goditje nga rryma appeared first on pejanefokus.net.

Seria e rasteve tragjike nisi më 20 korrik, kur dy persona humbën jetën si pasojë e një aksidenti trafiku në fshatin Shushicë të Istogut.

Më 23 korrik, një person u privua nga jeta në fshatin Strellc të Deçanit. Sipas autoriteteve, ngjarja ndodhi aksidentalisht, pasi viktima u qëllua nga djali i tij.

Po atë ditë, (më 23 korrik) një 19-vjeçar humbi jetën në një aksident me motoçikletë në magjistralen Prishtinë–Pejë.

Një ditë më vonë, më 24 korrik, një person tjetër humbi jetën në të njëjtën magjistrale, pasi u godit nga një veturë.

Ndërsa sot, më 27 korrik, një tjetër aksident me fatalitet u regjistrua në fshatin Veriq të Istogut, ku drejtuesi i një motoçiklete humbi jetën pas përplasjes me një kamion.

Këto pesë ngjarje tragjike, të ndodhura brenda një periudhe prej vetëm shtatë ditësh, kanë marrë jetën e gjashtë personave, duke rikthyer edhe një herë në vëmendje rëndësinë e sigurisë në trafik dhe nevojën për kujdes të shtuar, si dhe duke dëshmuar se rajoni po kalon një periudhë të rëndë me humbje të njëpasnjëshme të jetëve njerëzore.

The post Bilanc tragjik: 6 viktima në vetëm 7 ditë në ngjarje që prekin Pejën appeared first on pejanefokus.net.

Sipas njoftimit, në prag të finalizimit të Planit Strategjik 2026–2030 dhe Statutit të ri, menaxhmenti i universitetit është angazhuar për një model që kombinon cilësinë akademike me kërkimin shkencor, ndërmarrësinë dhe bashkëpunimin me bizneset e komunitetin.

UHZ thekson se do të mbetet universitet akademik, duke rritur komponentin praktik në programet studimore sipas nevojave të secilës fushë, pa cenuar karakterin e tij shkencor.

Sipas universitetit, ky model është në përputhje me praktikat më të mira evropiane dhe synon t’u ofrojë studentëve njohuri, përvojë praktike dhe mundësi më të mira punësimi, duke kontribuar njëkohësisht në zhvillimin ekonomik e social të rajonit të Dukagjinit. /Pejanefokus.net/Ju flet Peja/

The post Universiteti i Pejës finalizon vizionin 2026–2030 appeared first on pejanefokus.net.

Lajmin për Peja në Fokus e ka konfirmuar nipi i tij, Aroni, i cili ka bërë të ditur edhe detajet e ceremonisë mortore.

“Me pikëllim të thellë njoftojmë familjarët, miqtë dhe dashamirët se ka ndërruar jetë më i dashuri ynë, Mithat Belegu. Ai do të kujtohet gjithmonë për mirësinë, urtësinë, fortësinë dhe dashurinë që ua dhuroi familjes dhe të gjithë atyre që e njohën. Varrimi do të bëhet më datën 27.07.2026 në ora 14:00 në varrezat e qytetit”, ka bërë të ditur nipi i tij.

Mithat Belegu ishte një prej emrave më të respektuar të basketbollit pejan, pjesë e gjeneratës së artë të KB Budućnost (sot KB Peja), duke lënë gjurmë të rëndësishme në historinë e sportit kosovar.

Redaksia e Peja në Fokus u shpreh ngushëllimet më të sinqerta familjes Belegu, miqve dhe gjithë komunitetit sportiv për këtë humbje të madhe. /Pejanefokus.net/Sport

The post Ndahet nga jeta legjenda e basketbollit pejan, Mithat Belegu appeared first on pejanefokus.net.

Takimi u mbajt të premten në objektin e Njësisë Rajonale të Komunikacionit Rrugor në Pejë, ku Komandanti i njësisë, Kapiten Teki Sylaj, së bashku me bashkëpunëtorët e tij, diskutoi me përfaqësuesit e kompanive punëkryese për sigurinë rrugore dhe menaxhimin e qarkullimit gjatë zhvillimit të punimeve.

Sipas Policisë, vëmendje e veçantë iu kushtua fluksit të shtuar të automjeteve gjatë sezonit veror, si pasojë e ardhjes së bashkatdhetarëve.

“Policia e Kosovës kërkoi nga kompanitë punë-kryese që të shtojnë dhe përmirësojnë sinjalizimin e përkohshëm rrugor, duke vendosur shenja shtesë paralajmëruese dhe orientuese në zonat ku zhvillohen punimet, me qëllim parandalimin e aksidenteve dhe garantimin e një qarkullimi sa më të sigurt për të gjithë pjesëmarrësit në trafik,” thuhet në komunikatën e Policisë.

Policia njoftoi se do të vazhdojë zbatimin e planeve operative dhe masave parandaluese për rritjen e sigurisë në komunikacion, ndërsa u bëri thirrje të gjithë drejtuesve të automjeteve të respektojnë sinjalizimin rrugor, kufizimet e shpejtësisë dhe udhëzimet e zyrtarëve policorë, veçanërisht në segmentet ku po zhvillohen punime. /Pejanefokus.net/Ju flet Peja/

The post Policia e Pejës kërkon më shumë siguri në rrugën Kijevë–Zahaq appeared first on pejanefokus.net.

Sipas Policisë së Kosovës, gjatë kontrolleve në qytetet Pejë, Klinë, Istog dhe Deçan janë evidentuar shkelje të ndryshme.

“Njësitet policore të DHKEK-së në koordinim dhe bashkëpunim me Administratën Tatimore të Kosovës dhe Prokurorinë Themelore në Pejë, kanë realizuar një aksion inspektimi në disa auto-parkingje në qytete të ndryshme si Pejë, Klinë, Istog dhe Deçan. Gjatë inspektimit janë evidentuar shkelje të ndryshme, të cilat do të trajtohen nga autoritetet sipas kompetencës”, ka deklaruar Policia e Kosovës.

Nuk janë bërë të ditura detaje lidhur me natyrën e shkeljeve apo numrin e subjekteve të përfshira. /Pejanefokus.net/Peja Biznes/

The post Evidentohen shkelje në disa biznese të rajonit të Pejës appeared first on pejanefokus.net.